Ермұрат Бәпи мәжіліс депутаты болады – дереккөз

Алдағы парламент сайлауында журналист Ермұрат Бәпи мәжіліс депутаты болады деген ақпарат шықты.   

Бұл туралы «Dala incide» telegram-арнасы хабарлайды.

«Ақорданың анау-мынау емес, сайлау алды дебатта биліктің оппонентін сөйлетіп, оған сауал қоятын мүмкіндік беруі – Жаңа Қазақстанның Бәпи санатындағы тұлғалармен тіл табысқанын аңғартады.

Ерекеңе (Ермұрат Бәпи – ред.) мәжілістен бір орын бұйырып тұр» делінген хабарламада.

Бұл туралы әзірге ресми мәлімдеме жоқ.

«Қажыгелдиннің сенімді серігі журналистикада ешкімге ештеңе дәлелдеуге міндетті емес. Есесіне парламент Ерекең секілді тұлғаларға сусап отыр.

Қажыгелдиннің Қазақстандағы «көзі, құлағы һәм тілі» саналатын Бәпидің мәжіліске баруы Тоқаевтың саяси реформасын толықтыра түседі» делінген хабарламада.

Бұған дейін бұл telegram-арна «Қажыгелдин мен Ақорданың хат-хабар алмасқанын» жазған. Сонымен қатар «Әкежан Тоқаевтың штаттан тыс кеңесшісі» деп те жазған болатын.