Трамп АҚШ-тың келесі президенті ретінде кімді лайық көретінін айтты

АҚШ президенті Дональд Трамп 2028 жылғы сайлауда Республикалық партия атынан президенттікке үміткер ретінде кімнің ұсынылуы тиіс екенін атады, деп хабарлайды Orda.kz РИА Новости агенттігіне сілтеме жасап.

Басылымның мәліметінше, дереккөздер Washington Post газетіне Республикалық партияның кандидатурасы ретінде вице-президент Джей Ди Вэнс қарастырылып отырғанын жеткізген.

Мұндай шешімді Дональд Трамп қабылдап, бұл туралы жақында партия демеушілеріне мәлімдеген.

«Президенттің донорлармен әңгімесінің мазмұнын білетін кеңесшінің айтуынша, Трамп  Вэнсті арнайы Республикалық партиядағы көшбасшылықтың мұрагері ретінде таңдаған» деп жазылған материалда. 

Еске салайық, жыл басында Дональд Трамп 2028 жылғы президенттік сайлауға ықтимал кандидаттарды атаған еді. Үміткерлер қатарында вице-президент Джей Ди Вэнс, мемлекеттік хатшы Марко Рубио және Қаржы министрі Скотт Бесент болған.

Ал мамыр айында Трамптан тағы да ықтимал мұрагерлер туралы сұралғанда, тізім екі адамға дейін қысқарып, Вэнс пен Рубио ғана қалған.

Оқи отырыңыз:

• «Байден құсап құлап қалмасын»: Невададағы Трамптың әзілі мемге айналды
• Автотұрақ ережелері өзгерді: Алматыда тұратын көлік иесі нені білуі қажет?