Енді көлік жүргізушілері қызмет алу үшін орталыққа бармайды

Көлікті қайта тіркеу үшін арнайы орталыққа барудың қажеті жоқ. Ол үшін Kaspi.kz қосымшасын пайдалансаңыз жеткілікті. Бұл туралы цифрлық даму, инновация және аэроғарыш өнеркәсібі министрі Бағдат Мусин мәлімдеді.

Министрдің айтуынша, мамандандырылған халыққа қызмет көрсету орталықтарындағы хаосты жеңу үшін қызметтерді онлайн режиміне ауыстыру қажет.

«Мен электрондық қызметті eGov арқылы алып көрдім. Көлігімді қайта тіркеуге қою үшін екі сағат уақытым кетті, жанымда кеңес беруші де болды. Соның өзінде осынша уақытым кетті. Сондықтан Ішкі істер министрлігіне барлық процесті қарап шығу және бұл қызметті Kaspi.kz, Homebank, Сбербанк сияқты үшінші тарап қызметтеріне енгізу ұсынылды», - деп жазды ол Facebook-те.

Департамент «ҰАТ» АҚ, Ішкі істер министрлігінің ҚАП-мен бірге төрт айлық тестілеуден кейін Kaspi.kz мобильдік қосымшасы арқылы автокөлікті қайта тіркеуге арналған онлайн қызметін іске қосты.

«Енді көлікті қайта тіркеу үшін арнайы орталыққа барудың қажеті жоқ. Мемлекеттік қызметтер бөліміндегі Kaspi.kz қосымшасына және банктерге кіріп, машинаны қайта тіркеуге болады», - деп қорытындылады Мусин.