Еліміздегі ана өлімі 2,8 есеге өсті

Президент Қасым-Жомарт Тоқаев үкіметке барлық денсаулық сақтау ұйымдарын тескеруді тапсырды. ,Мемлекет басшысының айтуынша мұндай шаралар ана өлімі деңгейінің негізгі себептерін анықтауға және шешуге мүмкіндік береді.

«Өткен жылы біз 156 анадан айрылдық, өлім-жітім 2,8 есеге өсті. Бұл жай құрғақ статистика емес, бұл 156 отбасы үшін орны толмас қайғы. Ана өлімінің жылдан жылға көбеюінің негізгі себептерінің арасында, перзентханалардың нашар жабдықталуы көрсетілген. Мен үкіметке облыс әкімдерімен бірге және орталықтың қатысуымен барлық денсаулық сақтау ұйымдарын тексеріс өткізуге тапсырма беремін», - деді Тоқаев үкіметтің кеңейтілген отырысында.

Бұл ретте Президент акушерлік-реанимациялық қызметке баса назар аударуды тапсырды. Сондай-ақ оларды медициналық жабдықтармен, дәрі-дәрмектермен және өнімдермен жабдықтау бойынша шаралар қабылдау тапсырылды.