Қаңтар оқиғасынан кейін қызметінен босатылған өнеркәсіп министрі Атамқұлов жаңа қызметке тағайындалды

Қаңтар оқиғасынан кейін бірден қызметінен босатылған бұрынғы Индустрия және инфрақұрылымдық даму министрі Бейбіт Атамқұлов жаңа қызметке келді.

Мемлекет басшысының Жарлығымен Қазақстан Республикасының Өзбекстан Республикасындағы Төтенше және Өкілетті Елшісі қызметіне тағайындалды.

Еске салсақ, Атамқұлов 2022 жылдың қаңтарындағы наразылық салдарынан қызметінен айрылған министрлердің қатарында болды. Одан кейін Бас прокуратураның мәліметінше, тәртіпсіздіктер кезінде 238 адам қаза тапқан, оның ішінде жазықсыз адамдар да бар. Халық толқуларының бір себебі ретінде газ бағасы көрсетілген. Кейінірек ол бұрынғы премьер-министр Асқар Маминмен бірге Шетелдік инвесторлар кеңесінен де шығарылды.

Ал, Ақпарат және әлеуметтік даму министрі Дархан Қыдырәлі бірден төрт коммерциялық емес акционерлік қоғамның директорлар кеңесіне тағайындалды.