БҚО-да төрт ағайындыны өлтірген өзбекстандық өмір бойына сотталды

БҚО-ның мамандандырылған ауданаралық қылмыстық сотында Өзбекстанның 48 жастағы азаматы Шафкат Жазиловқа үкім шықты, деп хабарлайды Orda.kz Мой город сайтына сілтеме жасап.

Тергеу мәліметтері бойынша, қанды қылмыс 2024 жылдың мамыр айында Бәйтерек ауданында болған. Өзбекстандық азаматтар маусымдық жұмысқа келген. Қайғылы оқиға болған күні Жазилов пен оның жерлесі арасында жанжал болады. Өзбекстандықтар туған күн тойлап отырған. Бірақ сотталушы мас күйінде әркімге тиісіп, қолына балта мен шанышқы алып лақтыра берген. Кейін оны басқалары тыныштандыруға тырысады. Алайда Жазилов «Бәріңді өлтіремін» деп бензин құйылған құтыны газдың үстіне тастап жібереді. 

Алапат өрт салдарынан 4 адам қайтыс болады. Біреуін қатты күйік шалды.  

Барлық жәбірленушілер сотқа онлайн қатысты. Олар судьядан Жазиловтың Өзбекстанға қайта оралмауы үшін өмір бойына бас бостандығынан айыруды сұрады.

Жазиловтың өзі кінәні ішінара мойындады. Оның айтуынша, ол канистрде бензин емес, су бар деп ойлаған екен. Алайда сот оның сөздеріне күмәнмен қарады.

Сот үкімімен Шафхат Жазилов екі немесе одан да көп адамды өлтіргені үшін кінәлі деп танылды. Ол өмір бойына бас бостандығынан айырылды.