Гүлнәр Бажкеноваға қатысты сот екінші шілдеде басталады

Алматыда Orda.kz басылымының бұрынғы бас редакторы және тең құрылтайшысы Гүлнәр Бажкеноваға қатысты сот процесі екінші шілдеде басталады. Істі Бостандық аудандық №2 соты судья Елена Кванның төрағалығымен қарайды. Сот отырысы таңғы сағат 10:00-де өтеді, деп хабарлайды Orda.kz.

Бажкеноваға Қылмыстық кодекстің бірден үш бабы бойынша айып тағылып отыр. Атап айтқанда, көрінеу жалған ақпарат тарату, заңсыз кәсіпкерлікпен айналысу және сеніп тапсырылған бөтен мүлікті иемдену немесе ысырап ету. Оған тағылған айыптар ауыр қылмыстар санатына жатады.

Сот процесі кезінде ол үйқамақта болады. Сот оған мемлекеттік қорғаушы тағайындады. Еске салайық, бұған дейін оның адвокаты Мұрат Адам лицензиясынан айырылған, содан кейін Бажкенова басқа қорғаушының қызметінен бас тартқан.

Бажкенова ұсталған күні — 2025 жылғы 1 желтоқсанда полиция журналистің үйінде және Orda редакциясында тінту жүргізіп, бірнеше қызметкерді жауап алуға шақырған.

Оқи отырыңыз:

• Мұрат Адам адвокаттық лицензиясынан айырылды
• Мұрат Адамның қорғаушылары судьяға сенімсіздік білдіріп, оны істі қараудан шеттетуді талап етті
• ҚР СІМ: Қазақстандықтарға шенген визасын алу жеңілдейді