Екі жыл бойы алимент төлемей, 4,7 млн теңге қарыз жинаған тұрғын жазаланды

Маңғыстауда алиментті қасақана төлемеген борышкерлер жауаптылыққа тартылды. Маңғыстау облысы прокуратура органдарымен кәмелетке толмағандардың құқықтарын қорғау және алименттік төлемдерді өндіріп алу бағытында жүйелі жұмыс жүргізіп жатыр, деп хабарлайды Orda.kz.       

Биыл Маңғыстау ауданы прокуратурасының актісі негізінде алимент төлеуден әдейі жалтарған 9 тұлғаға қатысты қылмыстық істер тіркелді, 14 борышкер әкімшілік жауаптылыққа тартылды.

Мәселен, азамат К. екі жыл бойы алименттік міндеттемелерін әдейі орындамай, жұмысқа орналасу шараларын қабылдамаған және берешегін өтемеген. Нәтижесінде 4,7 млн теңге көлемінде қарыз қалыптасқан. Соттың 2026 жылғы 22 сәуірдегі үкімімен ол кінәлі деп танылып, 1 жыл мерзімге бас бостандығын шектелді.

Қабылданған шаралардың нәтижесінде 39 кәмелетке толмаған баланың құқықтары қорғалып, олардың пайдасына 7,5 млн теңге өндірілді.

Прокуратура алиментті әдейі төлеуден жалтару қатаң әкімшілік және қылмыстық жауаптылыққа әкелетінін ескертеді.

Оқи отырыңыз:

• Ұлттық футбол құрамасы Талғат Байсуфиновтың орнына жаңа бас бапкер іздеп жатыр
• Гүлнәр Бажкеноваға қатысты сот екінші шілдеде басталады
• Жер телімін алып беремін деп 33 адамды алдаған маман сотталды