Алматыда жер астынан шыққан өрт жұрттың зәресін алды: Полиция себебін айтты

Алматының Алмалы ауданында жерасты коммуникацияларында ерекше өрт оқиғасы тіркелді. Оқиға орнына полицейлер, өрт сөндірушілер, апаттық қызметтер мен энергетиктер жұмылдырылды, деп хабарлайды Orda.kz.

Оқиға бүгін түстен кейін Гагарин мен Қабанбай батыр көшелерінің қиылысында болған. Куәгерлер жер астынан лапылдап шыққан жалын туралы хабарлаған. Хабарлама түскеннен кейін жедел қызметтер дереу оқиға орнына жетті. Полицейлер қауіпті аумақты қоршауға алып, өрт сөндірушілер өртті оқшаулап, толықтай сөндірді.

Алдын ала мәлімет бойынша, төтенше жағдайдың себебі жерасты инженерлік желісіндегі қысқа тұйықталу болуы мүмкін, деп хабарлады Алматы қалалық полиция департаментінің баспасөз қызметі.

Қазіргі уақытта мамандар оқиғаның барлық мән-жайын анықтап жатыр.

 
Бқған дейін Алматыда өрт сөндіру техникасының жүруіне кедергі келтірген автокөліктерді жаппай эвакуациялап жатқанын жазған болатынбыз. Көпқабатты тұрғын үйлердің аулаларында Төтенше жағдайлар департаменті мен полиция қызметкерлері бірлескен рейд жүргізді.

Оқи отырыңыз:

• Алматыда өрт сөндіру қызметіне кедергі келтірген көліктер жаппай эвакуациялана бастады
• Пакқа қатысты үкімнен кейін кісі өлімі болған жол апаты үшін жазаны қатаңдатуды талап еткен петиция жарияланды
• «Желілік» жалған психологтар мен коучтар халықты арбай алмайды — Сенат заңды мақұлдады