1414 кодын айтқан ақтөбелік 4,5 млн теңгесінен айырылды

Ақтөбеде ер адам өзін энергетикалық компания қызметкері ретінде таныстырған алаяқтарға алданып, 4,5 млн теңгеден астам ақшасынан айырылды. Қылмыскерлер есептегішті тексеру сылтауымен оның 1414 кодын біліп алған, деп хабарлайды Orda.kz.

Диапазон сайтының мәліметінше, алаяқ электр есептегішті тексеру және ауыстыру сылтауымен ер адамнан 1414 нөмірінен келген хабарламадағы растау кодын айтуды сұраған. Кодты бергеннен кейін жәбірленушіге өзін мемлекеттік орган мен банк қызметкері ретінде таныстырған адамдар хабарласа бастапты.

Олар ер адамның атына алаяқтар несие рәсімдеп жатыр деген сылтаумен ақшаны «қауіпсіз есепшотқа» аударуға көндірген. Нәтижесінде ақтөбелік олардың айтқанына сеніп, көрсетілген шоттарға 4,5 млн теңгеден астам қаржы аударған.

Қазіргі уақытта бұл факті бойынша сотқа дейінгі тергеу жүргізіліп жатыр. 

Оқи отырыңыз:

Ербаян Мұхтардың өлімі бойынша қылмыстық іс қозғалды

БАҚ: Нұрлан Сабуров Ресейдегі көлігін 10 миллион рубльге сатты