Қазақстан СІМ Таяу Шығысқа сапарлардан бас тартуға кеңес берді

Қазақстан азаматтарына өңірдегі жағдай тұрақталғанға дейін Таяу Шығыс елдеріне міндетті емес сапарлардан бас тарту ұсынылды. Бұл туралы Сыртқы істер министрлігінің ресми өкілі Ерлан Жетібаев мәлімдеді, деп хабарлайды Orda.kz.

Оның айтуынша, министрлік шетелге сапарлауды жоспарлаған қазақстандықтар үшін үнемі ұсынымдар жариялап отырады.

«Біз азаматтарды сапарларын жоспарлау кезінде мұқият болуға және баратын елдегі жағдайды міндетті түрде ескеруге шақырамыз», — деді Жетібаев. 

Ол Қазақстанның дипломатиялық қызметтері өңірдегі жағдайдың жақын арада реттеліп, бейбітшілік пен қауіпсіздік қалпына келеді деп үміттенетінін атап өтті.

«Жағдай толық тұрақтанғанға дейін сақтық танытқан жөн деп санаймыз. Осыған байланысты азаматтарға мүмкіндігінше Таяу Шығыс өңірі елдеріне міндетті емес сапарлардан бас тартуды ұсынамыз», — деді СІМ өкілі.

Бұған дейін Таяу Шығыстағы жалғасып жатқан қақтығыстарға байланысты Air Astana әуе компаниясы Алматы мен Астанадан осы өңірдің үш еліне тұрақты рейстерді тағы екі айға тоқтатуға мәжбүр болғанын хабарлаған едік.

Оқи отырыңыз:

• Футболдағы дау: Футболшы мен төреші матчтардан шеттетіліп, клубқа 400 АЕК айыппұл салынды
• Алматы – Қорғас тас жолындағы жантүршігерлік жол апаты: Тағы бір адам жан тапсырды