Баланы атасы мен әжесіне беру дұрыс емес – имам

Белгілі дінтанушы, имам Нұрлан Байжігітұлы журналист Нартай Аралбайұлына сұхбат беріп, садақа беру мен ата-әже тәрбиесі жайында пікір білдірді.

– Қазір жария садақаның заманы емес. Елдің бәрі бергісі келеді. Жасырын садақа беру дұрыс болар еді. Елдің жағдайы мәз емес. Кейбіреулер мұны зекет деп жатады. Зекет садақа бір нәрсеге байланбай берілу керек. Жомарттық жасайтын болсаңыз афиша жасап қажеті жоқ. Мен үлгі боламын деген заман өтті, – деді ол.

Байжігітұлының пікірінше, баланы ата-әже қамқорлығына түбегейлі беру дұрыс емес.

– Баланы ата-әжеге беру дұрыс емес. Бауырына басады, сенбі мен жексенбіде, үш ай жазғы демалыста бірге болады. Бірақ баланы түбегейлі ата-әженің алғаны жөнге келмейді. Ел арасында көп жүремін. Кейде жаназа шығарғанда кейбіреуі жылап тұрады, кейбіреуі темекі шегіп тұрады. Себебін сұрасаң, кемпір-шалдың баласымын дейді. Ең жаманы бауырларымер араласпайды. Жат адамдарды өзіне жақын қылады. Ата-әже үлкен институт. Бұл жерде баға алмайды деген сөз емес, бізден жақсы бағады. Бірақ олар бағудан бұрын қатты еркелетеді. Әр жапырақ өзінің бұтағында көгерсін деп айтар едім, – деді дінтанушы.