Байден: трансгендерлер де әскери қызметкер бола алады

АҚШ президенті Джо Байден трансгендерлердің қарулы күштерде қызмет істеуіне тыйым салатын жарлықтың күшін жойды, деп хабарлайды ORDA «Америка дауысы» сайтына сілтеме жасап.

Ақ үй хабарламасында әскери қызметкер болуға гендерлік ерекшелік бөгет жасамауы тиіс.

«Барлық білікті америкалықтардың елге қызмет етуіне рұқсат беру қарулы күштер жұмысының тиімділігін арттыра түседі» - делінген хабарламада.

2016 жылы президент Барак Обама трансгендерлерге гендерлік ерекшеліктерін жасырмай әскерде қызмет етуіне рұқсат беріп, медициналық көмек алуларына жағдай жасаған.

Ал президент Дональд Трамп трансгендерлерді қарулы күштер қатарына қабылдауды тоқтатқан. Оның бұл жарлығына қол қойылғаннан кейін әскерде қызмет етіп жүрген трансгендерлер ғана қызметін жалғастыра алған.