Бұрынғы Энергетика вице-министрі Шкарупа ақталып шықты

26 қаңтардағы Қарағандыда өткен сот отырысында Энергетика вице-министрі Анатолий Шкарупа ақталып шықты. Оған 104 млн теңгені жымқырды деген айып тағылған. Осыған дейін прокурор шенеунікті 10 жылға бас бостандығынан айыруды сұраған. Алайда, адвокат Шкарупаға жала жабылғанын алға тартты. Нәтижесінде сейсенбі күні оны сот үкімімен босатты. Шенеунікке қатысты іс екі жыл тергеуде болған. Шкарупа бастапқыда тергеу изоляторында ұсталып, кейін үйқамаққа жіберілген.

Сонымен қатар, сот осы іс бойынша күдікті деп ұсталынған «Тұрғын үй-коммуналдық шаруашылығын дамыту қоры» басқармасының экс-төрағасы Қайсар Байдалы мен ENERCO компаниясының директоры Ерлан Нәбиевті босатты. Бастапқыда прокурор шенеуніктерде 8 жылға соттауды сұраған.

Еске салсақ, 2019 жылы желтоқсанда сот процесі басталған. Анатолий Шкарупа 2018 жылы 16 қарашада ұсталған.