Бұрынғы еңбек министрінің ағасы Тимуржан Нұрымбетов 10 жылға бас бостандығынан айрылды.
Бұл туралы Orda.kz хабарлады.
Бүгін Тараз қаласының №2 соты Т. Нұрымбетов, Н. Романова, А. Утеулина, Г.Сарымсақов, Қ. Мұстафаға қатысты қылмыстық істі қарады.
Нұрымбетов жұмыспен қамтуды үйлестіру және әлеуметтік бағдарламалар бөлімінің басшысы болған. Сол кезде ол 44 млн көлемінде пара алды деген күдікке ілінген. Сондай-ақ, Тимуржан қызмет бабын асыра пайдаланып, мемлектке 54 млн шығын келтірген.
Бөлімнің бұрынғы қызметкерлері Н. Романов пен А. Утеулина пара беруде делдалдық жасады деген күдікке ілінді.
Сарымсақов пен Мұстафа ірі көлемде пара алды деп айыпталды.
Прокурор Нұрымбетовты 12 жылға, Романованы 8 жылға, Сарымсақовты 9 жылға, Утелинаны 7 жылға, Мұстафаны 7 жылға бас бостандығынан айыруды сұрады.
Тараз қаласының №2 соты төмендегідей үкім шығарды:
- Т. Нұрымбетов 10 жылға бас бостандығынан айрылып, мүлкі тәркіленіп, мемлекеттік қызметте лауазымдарды атқару құқығынан өмір бойына шектелді. Ол өзінің іс-әрекетінде қылмыс құрамының болмағаны үшін ақшаны заңдастырудан босатылды.
- Н.Романова мен Г.Сарымсақов 8 жылға бас бостандығынан айрылды. Олар өмір бойына мемлекеттік қызметтегі лауазымдарды атқара алмайды. Олардың қылмыстық жолмен алынған қаражатқа сатып алған мүлкі тәркіленді.
- Утеулина 5 жылға, Мұстафа 7 жылға бас бостандығынан айрылды. Екеуі де өмір бойына мемлекеттік қызметтегі лауазымдарды атқара алмайды.
Үкім заңды күшіне әлі енген жоқ.
