Бүгінгі қорытынды жаңалықтар

Алматы, 23 ақпан – ORDA редакциясы. Әлемде және Қазақстанда болған бүгінгі маңызды жаңалықтарға қысқа шолу.

• АҚШ-та Covid-19-дан 500 мың адам қайтыс болды. Байден бес күндік аза тұту жариялады. Бес күн аралығында елдегі барлық жалаулар түсіріліп, коронавирус құрбандарын еске алу үшін шырақтар жағылады.
• 270 елді мекен қауіпті аймақта тұр. Қазақстанда 276 елді мекенде су басу қаупі сақталуда, бұл 270 мыңнан астам тұрғын. Бұл туралы Төтенше жағдайлар министрі Юрий Ильин хабарлады.
• Алматыдағы даулы жатақхана басқа жерде салынады. Студенттер үйін салу жоспарланған жерге балабақша мен спорт алаңдары салынады.
• Алматы облысында жол көлік апатынан екі адам көз жұмды. Ават ауылының жанындағы тас жолда болған апатта екі адам қаза тапты, тағы бірі түрлі жарақаттармен ауруханаға түсті.
• Ақтөбе әкімінің орынбасары бюджеттік ақшаға Lexus сатып алды. Ақтөбеде қала әкімінің экс-орынбасары Жангелді Әубәкіров ұсталды. Ол бөтеннің мүлкін аса ірі көлемде жымқырды деген күдікке ілінді.

ORDA. редакциясы оқырмандарына «23 ақпан Қазақстанда мереке ретінде ұмытылды ма?» тақырыбындағы сараптамалық мақаланы ұсынады.