Ақтөбе әкімінің орынбасары бюджеттік ақшаға Lexus сатып алды

Ақтөбеде қала әкімінің экс-орынбасары Жангелді Әубәкіров ұсталды. Ол бөтеннің мүлкін аса ірі көлемде жымқырды деген күдікке ілінді, деп хабарлады ORDA КТК-ға сілтеме жасап.

Ақтөбеде қала әкімінің бұрынғы орынбасары сотталып жатыр. Жангелді Әубәкіров 90 миллионнан астам теңгені жымқырды деп айыпталуда. Тергеу мәліметтері бойынша жаңа жылды атап өтуге бюджеттен ақша бөлінген. Бірақ прокуратура мәліметтері бойынша шыршалар мен ойыншықтар орнына жоғары лауазымды шенеунік Lexus көлігін сатып алған.

Жол талғамайтын көліктің құны 31 миллион теңге. Бұрынғы әкім ақшаның тағы бір бөлігін жеке пәтерін жөндеуге жұмсаған.

Махаббат Ишимбаева, Ақтөбе қаласы №2 сотының баспасөз хатшысы:

«Алдын ала келісім бойынша, жаңа жылдық іс-шараларды өткізуге жалған келісімшарт жасасу және заңсыз мемлекеттік сатып алу жүргізу арқылы, кейіннен нақты орындалмаған жұмыс көлеміне ақы төлеу арқылы, олар сеніп тапсырылған айрықша ауқымда бюджет қаражатынм иемденіп, ысырап етті»,- деп мәлімдеді.