Алматы облысында жол көлік апатынан екі адам көз жұмды

Ават ауылының жанындағы тас жолда болған апатта екі адам қаза тапты, екіншісі түрлі жарақаттармен ауруханаға түсті.

Жол апаты Алматы - Көкпек - Көктал тас жолының 38-ші шақырымында Kia Rio және Toyota Carina көліктерінің қатысуымен болды.

Облыстық полиция департаменті 28 жастағы келіншектің оқиға орнында қайтыс болғанын хабарлады. Сондай-ақ, ауруханаға бара жатқан жолда көліктердің бірінің жүргізушісі көз жұмған. Дәрігерлер жедел жәрдем көлігімен Есік қаласындағы ауруханаға жеткізген екінші көліктің 54 жастағы жүргізушісінің өмірі үшін арпалысуда.

Алдын ала болжам бойынша, жол апатына кінәлі - қарсы бағыттағы жолаққа шығып кетіп, Toyota Carina-мен соқтығысқан Kia Rio жүргізушісі.

Полицияның мәліметінше, оқиғаға сәйкес Қылмыстық кодекстің 345-бабы 4-бөлігі «Абайсызда екі немесе одан да көп адамның өліміне әкелген жол қозғалысы ережелерін бұзу» бойынша тергеу басталды.