Алматыдағы жанжалды жатақхана басқа жерде салынады

Студенттер үйін салу жоспарланған жерге балабақша мен спорт алаңдары салынады.

Алматы әкімі Бақытжан Сағынтаевтың тұрғындармен болған соңғы есеп беру кездесуінде «Алтын бесік» шағынауданында жатақхана салу жоспарын қайта қарау туралы өтініш жасалды.

Сағынтаев тұрғындардың пікірін тыңдап, 9 қабатты жатақхана салуға тағы бір орын бөлінетіндігін айтты.

Инстаграмдағы аккаунтында Алматы қаласының әкімі осы мәселенің шешімі туралы мән-жайды айтты.

-Мен Алматы технологиялық университетінің жатақханасына жер телімін беру туралы қаулының күшін жою туралы шешім қабылдадым. Жақын арада студенттер үйі үшін тағы бір қолайлы жерді табамыз, деп жазды Сағынтаев.

Оның айтуынша, қазірдің өзінде алаңда 120 орындық балабақша, спорт және жаттығу алаңдарын салу туралы шешім қабылданды.

-Ата-аналар балаларға қосымша білім беру және дамыту орталықтарын құруға ниет білдірді. Осы мақсатта біз «Шыңға Өрлеу» әлеуметтік клубтарының, тегін үйірмелер мен спорт секцияларының тәжірибесіне сүйене отырып ашамыз, деп атап өтті Алматы әкімі.

Сағынтаев «Алтын бесік» шағын ауданында жайлы жасыл қоғамдық алаңдар құруға болатынын айтты.

Бұған дейін алматылықтардың үндеуінен кейін әкім Назарбаев даңғылындағы тұрғын үй кешенінің құрылысын тоқтатқан.