Қазан қаласында атыс болып, мектеп оқушылары қаза тапты

Қазан қаласының №175 мектебіне бүгін таңғы уақытта қарулы адам шабуыл жасады. Соңғы мәліметтерге сүйенсек, 11 адам қаза тапқан. Олардың арасында мүғалімдер мен оқушылар бар. Екі оқушы 3 қабаттан секіріп кеткен. Жарақат алғандар да көп. Олар жедел жәрдем көлігімен ауруханаларға жеткізіліп жатыр.

- Екінші сабақ басталған кезде жарылыс дауысын естідік. Оны естіген соң, мұғалімдер оқушыларды кабинеттен шығармай жасырып қойды. Ал сабақ соңына қарай ұстаздар мен оқушыларды гвардияшылар шығарып алды, - деді оқиға ортасында жүрген 8 сынып мүғалімі.

Оқиға орнына 21 жедел жәрдем көлігі жеткен. Сондай-ақ Татарстан республикасының президенті Рустам Минниханов пен Денсаулық сақтау министрі Марат Садыков, өңір прокуроры Илдус Нафиков шұғыл аттанған.

Оқушыларға қарай оқ атқан 19 жасар Ильназ Галявиев атты күдікті ұсталды.