Қазақстан мен Татарстан бірігіп дөңгелек шығаратын зауыт салады

Премьер-министр Асқар Мамин мен Татарстан Президенті Рустам Минниханов Қарағанды ​​облысының Саран қаласында дөңгелек шығаратын зауыт құрылысын ашты.

Бұл туралы Orda.kz премьер-министрдің сайтына сілтеме жасап хабарлады.

Жобаны «Allur Компаниялар тобы» АҚ мен «Татнефть» ПАҚ бірлескен кәсіпорны «KamaTyresKZ» ЖШС жүзеге асырады.

Зауыттың өндірістік қуаты бірінші кезеңде жыл сайын 3,5 млн дөңгелек шығаруға арналған, кейіннен жылына 9 млн дөңгелекке дейін өседі. Өнімнің 40%-ы экспортталады.

Жобаны 2022 жылдың соңына дейін аяқтау жоспарланған. Жалпы инвестиция көлемі 125 млрд теңге болады.

Зауыт 1100-ден астам жаңа жұмыс орнын ашады. Кәсіпорын жұмысшылары TATNEFT ПАҚ дөңгелек шығаратын кәсіпорындарында оқудан өте бастады.

Рустам Миннихановтың айтуынша, 2020 жылы Қазақстан мен Татарстан арасындағы тауар айналымы 14 пайызға өсіп, 630 млн доллардан асты.