Асхат Аймағамбетов түлектер кеші «даңғойлық жәрмеңкесіне» айналғанын айтты

Қазақстан Республикасы Парламенті Мәжілісінің депутаты Асхат Аймағамбетов оқу-ағарту министрлігінің мектеп бітіру кештерін мейрамханаларда, кафелерде және басқа да коммерциялық орындарда өткізуге тыйым салу туралы ұстанымына пікір білдірді, деп хабарлайды Orda.kz.       

Оның пікірінше кей жағдайларда мектеп мерекелері шамадан тыс шығынды шараларға айналып кеткен, көптеген мерекелер әлдеқашан «даңғойлық жәрмеңкесіне» айналған.

«Мен өз телефоныммен суретке түсіріп, 10 минутта виньетка жасап бере аламын. Ол үшін неге ондаған мың теңге төлеу керек? » – деді ол.

Сонымен қатар депутат ата-аналар мен түлектердің мектеп бітіруді атап өткісі келетінін түсінетінін айтты. Алайда ол оқу-ағарту министрлігі мен ІІМ секілді құзырлы органдар көтеріп отырған әлеуметтік әділеттілік пен қауіпсіздік мәселелерін ескеруге шақырды.

Еске салсақ, биылдан бастап мұғалімнің оқушылар үшін жауапкершілігі азайды. Қазақстанда мұғалімдердің оқушылар үшін жауапкершілігінің бір бөлігі ресми түрде алынып тасталады. Енді заң жүзінде педагогтардың жауапкершілігі тек оқу процесі кезінде ғана белгіленбек.       

Ал сабақтан тыс уақытта төтенше жағдайлар бола қалғанн күнде балалар үшін ата-аналары немесе қамқоршылары жауап береді.

Педагог мәртебесі мен білім беру мәселелері бойынша заң жобасын таныстыру барысында депутат Асхат Аймағамбетов мұғалімдер мен мектеп директорлары оқу процесінен тыс уақытта балалар үшін жауап бермеуі тиіс екенін нақты айтқан болатын.

Оқи отырыңыз:

• Түркістан облысының түлегі әлемнің 40 университетінен шақырту алды
• Әскерге көшеден бас салып алып кете беруге бола ма? Заңгер жауабы
• Әуетакси Алматы әуежайынан Медеуге дейін 10–12 минутта жетеді