Түркістан облысының түлегі әлемнің 40 университетінен шақырту алды

Ислам Абдурахманов Америка университетін таңдады, деп хабарлайды  Orda.kz. ҚР Білім министрлігінің баспасөз қызметіне сілтеме жасап. 

Түркістан білім және инновация лицейінің оқушысы Ислам Абдурахманов әлемнің 40 университетінен оқуға шақырту алды. Ол БАӘ, АҚШ, Англия, Польша, Малайзия және Швейцария елдерінің кез келген жоғары оқу орындарында студент бола алады. 

Ислам жетінші сыныптан бастап түрлі сайыстарға белсене қатысып, жоғары білім деңгейін көрсетті. 11-сыныпта Ислам алты елдің 40-тан астам университетінен оқуға шақырту алды. 

Ислам Абдурахманов АҚШ-тың Техас штатындағы Хьюстон қаласындағы Солтүстік Америка университетінде (NAU) жоғары білім алуды ұйғарды. Ол шетелде оқып, диплом алып, Қазақстанға оралуды жоспарлап отыр.