Араб-парсы мәдениетіне негізделген діни ұстанымды насихаттаған мектеп сынға ұшырады

Әлеуметтік желіде араб-парсы мәдениетіне негізделген діни ұстанымды насихаттаған мектеп сынға ұшырады.

Адырна басылымының хабарлауынша, бейнежазбаны қазнетке Тұрарбек Құсайынов жүктеді. Ол кез келген мектеп немесе жоғары-орта оқу орындарында бұндай діни насихатқа жол бермеу керек екенін атап өтті.

Алматы қаласы Білім басқармасының мәлімдеуінше, бейнежазба қала мектептерінің бірінде түсірілген.

«Қазақстан — зайырлы мемлекет, ал мектеп – зайырлы оқу орны. Білім беру ұйымдарында мұғалімдер тек мемлекеттік білім беру стандарты мен бекітілген бағдарламалар аясында сабақ өткізуге міндетті. Басқа іс-шараларды өткізуге тыйым салынады. Мектеп әкімшілігі мен мұғалімге шара қолданылады» деді басқармада.