Бокстан Қазақстан ұлттық құрамасының капитаны Қамшыбек Коңқабаев Токиода өтіп жатқан Олимпиада ойындарын жеңіспен бастады.
Бұл туралы Orda.kz Vesti.kz сайтына сілтеме жасап хабарлайды.
91 келіден жоғары салмақтағы 1/8 финалда Қоңқабаев төрешілердің шешімімен египеттік Эсри Мостафу Резканы жеңді. Бұған дейін тағы бір қазақстандық боксшы ширек финалға шыққан еді. Қазақ боксшысы Әбілхан Аманқұл (75 келіге дейін) өзбекстандық Фанат Кахрамоновты жеңді.
Қазақстандық боксшылар Серік Теміржанов (57 келіге дейін), Абылайхан Жүсіпов (69) және Василий Левит (91) Олимпиада медальдары үшін жекпе-жектен шығып қалды. Әйелдер боксынан Қазақстанның Олимпиададағы жалғыз спортшысы Надежда Рябец (75 келіге дейін) алғашқы жекпе-жегінде канадалық Тамара Тиболтқа есе жіберді.
