Алматыда коронавирустық сынақтарда штаммдар анықталды

Коронавирустың Оңтүстік Африка, Бразилия және Британия мутацияланған штаммдары Алматыдағы сынақтарда анықталды.

Бұл туралы Orda.kz хабарлады.

Алматы қаласының әкімі Бақытжан Сағынтаев COVID-19-ның одан әрі таралуына жол бермеу туралы брифингте мегаполистің «қызыл аймаққа» енуіне не себеп болғанын айтты.

– Алматыда коронавирустық эпидемиологиялық жағдай күрделене түсуде. Өткен айдың басынан бастап эпидемияның үшінші толқыны басталды. Бұған мутацияланған штаммдар себеп болды - Оңтүстік Африка, Бразилия және Британия, - деді ол брифингте.

Сағынтаев зертханалар 113 сынамада мутация ықтималдығы туралы зерттеулер жүргізгенін айтты. 63 сынамада мутацияның жоғары ықтималдығы анықталды, ол орта есеппен қалада 56% құрады. Ал 31 үлгіде британдық штамм анықталды, бұл 71% құрайды.

– Сондықтан қалада қатаң шектеу шаралары енгізілді. Мутацияланған штаммдардың инкубациялық кезеңі қысқарады, барлық жас топтары, оның ішінде бір жасқа дейінгі балалар да қатер тобына жатады, - деп түсіндірді әкім.

Сағынтаевтың айтуынша, вакциналау тегін және қазірдің өзінде қалалық емханаларда барлығына қолжетімді.

Созылмалы аурулары жоқ, 18 жасқа толған азаматтарға вакцина егуге болады. Созылмалы жүрек-қан тамырлары, обструктивті бронхо-өкпе ауруларымен, қант диабетімен есепте тұрған 65 жастан асқан адамдар вакцина ала алады.