Алматыда референдум заңнамасын бұзған төрт адам жауапқа тартылды

Алматы прокуратурасы атом электр станциясы құрылысын талқылау мақсатында қоғамдық сауалнама жүргізу кезінде Қазақстан Республикасының сайлау заңнамасын бұзу фактілерін анықтады, деп хабарлайды Orda.kz.

Нәтижесінде төрт құқықбұзушы әкімшілік жауапқа тартылды.

«4 адам құқық бұзушы ретінде әкімшілік жауаптылыққа тартылып, айыппұл арқалады»,  деп мәлімдеді Алматы қалалық прокуратурасы.

Прокуратура қоғамдық сауалнама өткізу тәртібі Қазақстан Республикасының «Республикалық референдум туралы» және «Қазақстан Республикасындағы сайлау туралы» Конституциялық заңдарымен реттелетінін түсіндіреді.