Алматыда есірткі сататын 247 сайт бұғатталды

Алматы полициясының ақпараты бойынша 247 есірткі сататын сайт бұғатталды, деп хабарлайды Polisia.kz.

Жыл басынан бері жедел барлау қызметінің интернетті бақылау барысында нашақорлыққа қарсы күрес басқармасының қызметкерлері есірткі тарату туралы ақпараты бар 247 веб-сайтты бұғаттады.

«Сонымен қатар, былтыр синтетикалық есірткіні шығаратын бес зертхана анықталып, таратылды. Контактісіз есірткі сатумен айналысқан бес сотталушының қатысуымен екі ұйымдасқан қылмыстық топтың әрекеті тоқтатылды. Жалпы, есірткі саудасымен айналысқан 400-ден астам адам ұзақ мерзімге сотталды», - деп қорытындылады Алматы әкімі.

Еске салсақ, 2020 жылы заңсыз айналымнан 320 кг 527 г есірткі тәркіленді. Оның ішінде 446 г 35 мг героин, 30 кг 996 г гашиш және 159 кг 701 г марихуана.