Алматы облысында Антикор аудан әкімін жазалады

Сыбайлас жемқорлыққа қарсы қызмет Қарасай ауданының әкімін мемлекеттік қызметкерді жұмысқа қабылдау кезінде тәртіп бұзғаны үшін жауапкершілікке тартты.

Антикордың айтуынша, әкім Қарасай ауданының кәсіпкерлік бөлімінің басшысы активтері мен міндеттемелері туралы декларацияны ұсынбай жатып, кандидатты міндетін атқарушы қызметіне  тағайындаған.

«Департамент басшысы мемлекеттік функцияларды орындайтын уәкілетті тұлға. Осыған байланысты декларацияны ұсынбау ҚР ӘҚБтК-нің 680-бабында көзделген талаптарды бұзу болады. Бұл мемлекеттік орган басшыларының сыбайлас жемқорлыққа қарсы шаралары» деп түсіндірді департамент.

Лауазымды тұлғаға қатысты әкімшілік хаттама толтырылды. Оған 50 АЕК (172 500 теңге) көлемінде айыппұл салынды.