Жоба іске қосылды: Қытайлық компаниялар Қашағанда жаңа газ өңдеу зауытын салады

14 маусым 2026 15:06 Ләззат Нұрсапақызы

Фото: «QazaqGaz»

Қазақстанда Қашаған кен орнында жылына 2,5 млрд текше метр газ өңдейтін екінші газ өңдеу зауытын салу жобасы басталды. Бас мердігер ретінде қытайлық CNCE6 және China Wuhuan компанияларынан құралған консорциум таңдалды, деп хабарлайды Orda.kz.

Жобаға қатысты кеңес Энергетика министрі Ерлан Ақкенженовтің төрағалығымен өтті. Оған QazaqGaz, PSA, NCOC акционерлері және құрылысқа қатысы бар басқа да ұйымдардың өкілдері қатысты.

Үкімет қаулысымен EPC-мердігер ретінде China National Chemical Engineering Sixth Construction Company Kazakhstan Branch және China Wuhuan Engineering Corporation Ltd компанияларының консорциумы бекітілді.

QazaqGaz мәліметінше, қуаты 2,5 млрд текше метр болатын газ өңдеу зауыты жобасы қазір практикалық іске асыру кезеңіне өткен. Сонымен қатар Қашағанда тағы бір газ өңдеу зауыты қатар салынып жатыр. Оның қуаты жылына 1 млрд текше метр газды құрайды. Бұл жобада негізгі мердігерлер — «KCG» ЖШС мен «Integra Construction KZ» ЖШС. Бұған дейін бірінші зауыттың құрылысы қалай жүріп жатқаны туралы хабарланған болатын.

Энергетика министрі жобаға қатысушыларға өзара үйлестіруді күшейтіп, құрылыс мерзімдерін қатаң сақтауды тапсырды. Ал QazaqGaz компаниясы жобаның жүзеге асу барысы, қабылданып жатқан шаралар мен туындаған мәселелер туралы Энергетика министрлігіне ай сайын есеп беріп отыруы тиіс.

Оқи отырыңыз:

Жаңалықтар

барлық жаңалықтар