Америкалық блогер YouTube-те әлемде алғаш болып 500 миллион жазылушы жинады

Америкалық блогер MrBeast YouTube платформасында әлемде алғаш болып 500 миллион жазылушыға қол жеткізді, деп хабарлайды Orda.kz шетелдік БАҚ-тарға сілтеме жасап.

MrBeast-тің шын аты-жөні — Джеймс Стивен Дональдсон, оның есімі YouTube-та қымбат әрі ауқымды трюктерді түсіруге арналған бейнероликтер жанрының ізашары ретінде танымал.

2024 жылдың шілде айында оның арнасы 300 миллион жазылушы межесінен асып, платформа тарихында мұндай көрсеткішке жеткен алғашқы адам атанған болатын. Ол өз арнасын 13 жасында жүргізе бастаған. Танымалдылық оған түрлі челлендждер, реалити-шоулар және қайырымдылық акциялары туралы бейнероликтер арқылы келді.

Даңқ пен хайп үшін ол өзін де, басқаларды да аямайды. Ол суретке түсіру үшін мыңдаған қонақтарды шақырады, ақшалай сыйлықтар мен машиналарды сыйға тартады,  осының бәрін 100-ден астам адамнан тұратын оның командасы жарқын және динамикалық бейнеге айналдырады. Әр бейнені жасауға 2,5-3 млн долллар кетеді.

Оның айтуынша, YouTube оған жылына 700 миллион долларға дейін әкеледі. Бірнеше жыл бұрын ол Гринвиллде өзіне үй сатып алып, кейін жақын маңдағы бірнеше үйді де отбасы мүшелері мен сүйікті қызметкерлеріне сатып алды.

Осының өзінде Джимми қайырымдылыққа деген құштарлығы таң қалдырады. Ол қаражаттың қомақты бөлігін әлемдегі әр түрлі адамдардың мұқтаждықтарына жұмсайды. Мистер Бист Африкаға мектептер мен ауруханалар салады, ауылдарды абаттандырады, мүгедектердің отасын төлейді, кедейлерге бірнеше миллион доллар ақша мен киім-кешек таратады, сал иттер мен жоғалып бара жатқан жануарларды құтқарады,  бұл тізімді ұзақ жалғастыра беруге болады.

Көпшіліктің көкейіндегі сұрақ:  қарапайым жасөспірім мұндай үлкен табысқа қалай жетті? Құпия қарапайымболып шықты, ол бала кезінен бері YouTube-ті зерттеп, оның алгоритмдерін талдап, басқалардың бейнелерін бақылап, өз блогын жүргізе бастаған.

Сол кезде мектепке, достарына және басқа да қызығушылықтарға аз көңіл бөлген. Содан кейін жігіт колледжді де тастап кетті, сол себепті анасы оны үйден қуып жіберді. Бірақ ол өзіне қызықты нәрсені ғана зерттеп, соның шыңына жетті.

Оқи отырыңыз:

• Иран СІМ Исламабадтағы келісімнің ядролық бағдарламаға емес, атысты тоқтатуға бағытталғанын айтты
• «Қайрат» күтпеген жерден ұпай жоғалтып, «Атырауды» жеңе алмады
• Алматы полициясы 12 жастағы баланың өліміне қатысты тергеу барысы туралы мәлімет берді