Жарылыстан зардап шеккендердің жағдайы белгілі болды

26 тамыз, яғни жарылыс болған күннен бері бері ауруханаға түрлі жарақатпен 93 адам келді, деп хабарлайды Orda.kz.

AIBAT ақпараттық қызметінің хабарлауынша, екі сарбаздың жағдайы ауыр, олардың денелерінің 85% күйігі бар.

Зардап шеккен төрт адам Тараздағы қалалық көпсалалы аурухананың жансақтау бөлімінде жатыр.

Барлығы 28 науқас емделуде.

— Барлық қаза тапқандардың  отбасыларына көмек көрсетіледі, - деді Қорғаныс министрінің орынбасары Мұхамеджан Таласов.

Сонымен қатар зардап шеккендердің бірі жансақтау бөлімінен мамандандырылған бөлімге ауыстырылғаны белгілі болды. Оның жағдайы бүгінде жақсарған. ⠀

Ресми түрде, Денсаулық сақтау министрлігінің мәліметінше, төрт адамның жағдайы ауыр. ⠀

Жамбыл облысы әкімінің орынбасары Талғат Мамаевтың айтуынша, зардап шеккен үш адамның кім екені әлі анықталған жоқ. Ол үшін сараптама жүргізіледі. ⠀

Жарылыс болған аумақ әлі де қоршауда. Аумаққа арнайы қызмет қызметкерлерінен басқа ешкім кіргізілмейді. ⠀

Жалпы шығын әлі есептелуде. Облыс әкімдігінің хабарлауынша, бірінші кезекте тұрғын үйлер, кәсіпкерлік нысандар мен инфрақұрылым қалпына келтіріледі.