Санжар Боқаев 18 маусымға дейін қамауда қалады

Алматы қаласының тергеу соты қоғам белсендісі Санжар Боқаевтың қамауда ұстау мерзімін ұзартты, деп хабарлайды Orda.kz.

Бұл туралы оның адвокаты Радмир Утепов мәлімдеді. Наурыз айының соңында Санжар Бокаев екі айға қамауға алынған болатын.

Тергеу нұсқасы бойынша, ол әлеуметтік желілерде саябақтағы ағаштарды заңсыз кесу және құрылыс нысандарындағы ұрлық туралы бейнематериалдар жариялаған. Алайда тергеушілердің пікірінше, ағаш кесуді де, ұрлықтарды да Боқаевтың өзі ұйымдастырған. Сонымен қатар, оған ұлттық компаниядағы қызметі кезінде алаяқтық жасады деген айып тағылып отыр.

18 наурызда белсендінің қылмыстық іс аясында тергеу әрекеттері барысында ұсталғаны белгілі болды. Тергеу мәліметінше, Боқаев «ағаштарды заңсыз кесуді және ұрлау ұйымдастырып, қаржыландырған». Сондай-ақ ол аса ірі көлемде қаржы қаражатын алаяқтық жолмен жымқырды деген күдікке де ілінген.

Еске салсақ, былтыр маусым айында қазақстандық блогер әрі қоғам белсендісі Санжар Боқаев іздеу базасынан табылғаны белгілі болды.  Алматы әуежайында полиция қызметкерлері оны ұстамақ болған. Боқаевқа полиция қызметкерлері оның аты-жөні іздеу базасына енгізілгенін айтқан.

Оқи отырыңыз:

• Санжар Боқаев бұлтартпау шарасымен екі айға қамалды
• Боқаевтың жақтастары оған қатысты істі тікелей эфирде ашық түрде қарауды талап етті
• Үлкен Алматы өзеніндегі гранит тастарды заңсыз сатып жатқаны белгілі болды