Жамбыл облысында жедел әрекет ету арнайы жасағының инспекторы өзіне қол жұмсады

Жамбыл облысында тағы да қайғылы жағдай болды. Бүгін таңертең Қордай аудандық полиция бөлімінде жедел әрекет ету арнайы жасағы казармасының дәлізінде 1995 жылы туған инспектор Н.Т. өз-өзіне қол жұмсады, деп хабарлайды Orda.kz.       

Лейтенант қызметтік қарудан, болжам бойынша SIG Sauer маркалы тапаншадан өзіне оқ атқан. Оқиға орнына жеткен дәрігерлер оны ауыр хәлде аудандық орталық ауруханаға жеткізді.

Өкінішке қарай, кешке ол есін жимастан жансақтау бөлімінде көз жұмды. Полицейдің мұндай қадамға не себеп болғаны әзірге белгісіз.

Әлеуметтік желілерде Жамбыл облысында жедел әрекет ету арнайы жасағы инспекторының өзіне оқ атқаны туралы ақпарат тарағаннан кейін, өңірлік полиция департаменті бұл оқиғаға қатысты түсініктеме берді.

Жамбыл облыстық полиция департаменті бұл дерек бойынша ҚР Қылмыстық кодексінің 105-бабы («Өзін-өзі өлтіруге дейін жеткізу, өзін-өзі өлтіруге итермелеу немесе оған жәрдемдесу») бойынша сотқа дейінгі тергеу басталғанын хабарлады.

Ведомствоның баспасөз қызметінің мәліметінше, қазіргі уақытта қажетті тергеу амалдары жүргізіліп жатыр. Сондай-ақ қызметтік тексеріс тағайындалған.

Оқи отырыңыз:

• АҚШ пен Иран Ормуз бұғазын аша тұрып, бітімді ұзартуға келісті
• 2026 жылғы 1 маусымнан бастап Қазақстанда не өзгереді?
• Қожа Ахмет Яссауи кесенесінің күмбезіне не болды? Мәдениет министрлігі түсініктеме берді