Жамбыл облысындағы жарылыстан қаза тапқандар саны 14-ке жетті

Жамбыл облысында жарылыс кезінде қаза тапқандар саны 14-ке жетті, деп хабарлайды Orda.kz    Төтенше жағдайлар министрлігіне сілтей отырып.

— Жамбыл облысында жарылыс кезінде қаза тапқандар саны он төрт адамға жетті. Қорғаныс министрлігінің саперлері тағы бір адамның денесін тапты. Оның жеке басы анықталады. Қаза болғандардың арасында азаматтық қорғау органдарының қызметкерлері де бар, – делінген ТЖМ хабарламасында. 

Сонымен қатар жоғалған тағы екі адам туралы дерек жоқ, оларды іздестіру жұмыстары жалғасып жатқаны айтылады.

Естеріңзге салсақ, Президент Қасым-Жомарт Тоқаевтың жарлығыме Жамбыл облысындағы әскери қойма жарылысында қаза тапқан азаматтар "Айбын" мемлекеттік наградасымен марапаттады.

26 тамыз күні кешкі сағат 19.00 шамасында Жамбыл облысының Байзақ ауданындағы оқ-дәрі қоймасынан өрт шығып,  жарылыс болған еді.