Жалған жұмыс арқылы әлеуметтік төлем алғандарға қатысты 38 қылмыстық іс қозғалды
Фото: gov.kz
Қазақстанда жалған жұмысқа орналастыру арқылы әлеуметтік төлем алғандарға қатысты ауқымды заңбұзушылықтар анықталды, деп хабарлайды Orda.kz.
Осындай жалған еңбек шартын 4,4 мыңнан астам қазақстандық рәсімдеген. Бұл туралы еңбек және халықты әлеуметтік қорғау министрлігі хабарлады.
Мемлекеттік әлеуметтік сақтандыру қоры (МӘСҚ) төлемдерді тағайындау үшін ұсынылатын мәліметтердің дұрыстығына мониторинг жүргізген. Талдау нәтижесінде 13 өңірде жалған еңбек қатынастарын рәсімдеу фактілері бойынша 38 қылмыстық іс қозғалды.
«Деректер базасын талдау нәтижесінде 258 кәсіпкерлік субъектісі 4,4 мыңнан астам азаматқа заңсыз әлеуметтік төлем алу мақсатында жалған еңбек қатынастарына барғаны анықталды. Қазіргі таңда тоғыз қылмыстық іс бойынша сот үкімдері шығып, айыптау шешімдері қабылданды» деп жазылған хабарламада.
Ақтөбе, Маңғыстау, Қызылорда, Шығыс Қазақстан және басқа да облыстарда заңсыз схема ұйымдастырған 12 адамды сот кінәлі деп таныды. Олар 3 жылдан 5 жылға дейін бас бостандығынан айырылды.
«Әлеуметтік-еңбек саласын цифрландыру бізге түрлі ақпараттық жүйелердегі деректерді нақты уақыт режимінде өзара салыстыруға мүмкіндік береді. Бұл жұмыстың басты мақсаты – әлеуметтік қолдаудың нақты адамға жетуін қамтамасыз ету және жүйеге адал қатысушылардың мүддесін қорғау. Табысты жасанды түрде арттыру немесе жалған жұмыспен қамтуды ұйымдастыру әрекеттерінің барлығы талдау кезінде анықталып, тиісті құқықтық баға беріледі», – деді МӘСҚ төрағасының орынбасары Марат Жаныбеков.
Қор қазақстандықтарды күмәнді делдалдар қызметін пайдаланбауға шақырды. Жеке деректерді «кеңесшілерге» беріп, жоғары төлем рәсімдеуге тырысу азаматтардың өздері үшін де заң бойынша жауапкершілікке әкелуі мүмкін.
Оқи отырыңыз:
Жаңалықтар
- Мемлекет басшысы ҚХР Төрағасының шақыруымен Шанхайға жұмыс сапарымен барды
- Қазақстанда миллион теңгеден асатын жалақыны кімдер алады?
- Еліміздің ірі үш қаласында ауа температурасы +48 градусқа дейін ысиды
- Президент тапсырмасы: «Алматы – Қаскелең» жолы сегіз жолаққа дейін кеңейтіледі
- Екі аптада 33 мың жедел жәрдем: Алматылықтар аптап ыстықпен қалай күреседі?
- Стамбұл соты Биньямин Нетаньяхуды қамауға алуға халықаралық ордер шығарды
- Ақтөбеде кісі өлтіріп, денесін қоқыс алаңына тастаған адам 14 жылға сотталды
- Бюджетке 730 миллиард теңге салық неге түспеген?
- Құрылтай сайлауына жеті партиядан кандидаттар тізімі қабылданды
- Тоқаев заңға қол қойды: Суррогат ана қызметі мен мәслихатта не өзгерді?
- Стамбұлдағы адам өлімі: Үш елде арнайы операция өтті
- СҚО-да жантүршігерлік жол апатынан сегіз адам зардап шекті, оның алтауы бала
- Трамп Ормуз бұғазындағы кемелерге ақы енгізу ұсынысынан айнып қалды
- Құрылтай сайлауын ұйымдастыруға 34,3 млрд теңге бөлінді
- Жамбыл облысында аурухана қызметкерлері кәріз құдығына түсіп, екі адам қаза тапты
- Қырғызстан мұнай мен мұнай өнімдерін елден шығаруға уақытша тыйым салды
- Заңгер әрі блогер Әділетхан Молдахан 2 жыл 6 айға бас бостандығынан айырылды
- Атырауда қайын жұртын қырып салған күйеу бала өмір бойына бас бостандығынан айырылды
- Абай облысында пышақталған қыздың мәйіті табылды
- МӘМС-пен тегін жасалатын ота үшін 8 млн теңге алған хирургтің ісі сотқа жолданды
