Қазақстан Ресейдің қазақтар көп тұратын өңірлеріне мектеп салады

Қазақстан мен Ресей екі ел аумағында мектептер салу туралы келісімге келді. Бұл туралы Астанада өткен ЕАЭО форумы дәлізінде  ұлттық экономика министрі Серік Жұманғарин мәлімдеді, деп хабарлайды Orda.kz.       

Оның айтуынша, Ресей Қазақстанның Түркістан, Қызылорда және Жамбыл облыстарында үш мектеп салуды жоспарлап отыр. Өз кезегінде Қазақстан Орынбор облысында, сондай-ақ Омбы мен Астрахань қалаларында осындай жобаны жүзеге асыруды ұсынды.

Жұманғариннің сөзінше, Орынбор бойынша жер телімі келісілген, ал Астрахань мен Омбыда бұл бағыттағы жұмыстар әлі жалғасып жатыр. Барлық рәсімдер аяқталғаннан кейін тараптар қажетті құжаттарға бір мезгілде қол қоюды жоспарлап отыр.

Министр бұл мектептерде аралас білім беру жүйесі енгізілетінін атап өтті,  оқу қазақ және орыс тілдерінде жүргізіледі. Оның айтуынша, балалар мектеп қай елде орналасқанына қарамастан екі тілді де меңгере алады.

Келісімге қол қойылғаннан кейін құрылыс қысқа мерзімде басталады деп күтілуде. Министрдің бағалауынша, әрбір мектептің құрылысы бір жылдан бір жарым жылға дейін созылады.

Еске салсақ, Астанада Астанада V Еуразия экономикалық форумы өтіп жатыр. Биыл халықаралық пікірталас алаңында «Жаһандық цифрлық бәсекедегі ЕАЭО: жасанды интеллектіге басымдық беру» тақырыбы талқылануда.

Оқи отырыңыз:

• V Еуразия экономикалық форумы: Жасанды интеллект технологиялары ЕАЭО экономикасын қарқынды дамытады
• Путин Астанада өтетін Еуразиялық экономикалық форумға қатысады
• Түрікменстанда жаһандық және өңірлік қатерлерге қарсы іс-қимыл талқыланды