Зеленский ирандық ИРСК-ны террористік ұйым деп таныды

Зеленский Украина Ислам революциясы сақшылар корпусын террористік ұйым деп танитынын мәлімдеді, деп хабарлайды Orda.kz.

Украина президенті бұл туралы телеграм арнасында хабарлады. 

«Еуропалық Одақтың Ислам революциясы сақшылар корпусын террористік ұйым деп танитыны туралы шешім қабылданды. Қазір Еуропада бұл туралы тиісті рәсімдер жалғасып жатыр. Украина бұл ұйымды террористік деп танитын шешімді әлдеқашан қабылдап қойған, мәселе жабық», – деді Зеленский.

1 ақпанда өтуі керек Ресей мен Украина арасындағы кездесу АҚШ пен Иран арасындағы даудың кесірінен кейінге шегерілген болатын. Иран Сыртқы істер министрлігі ЕО-ның ИРСК-ны террористік ұйым деп тану туралы шешімін «заңсыз, екіжүзді әрі саяси мақсаттағы қадам» деп бағалады. Олар  ИРСК-ны Иран Қарулы күштерінің заңды бөлігі екенін айтып, ЕО-ның бұл шешімін сыртқы істерге араласу әрі құқыққа қайшы деп сипаттады.

Бүгінгі таңда Ислам революциясы сақшылар корпусын террористік ұйым деп танығандар:

• Украина
• Еуропалық Одақ
• АҚШ
• Канада
• Австралия
• Аргентина
• Эквадор

Айта кетейік, Иран сыртқы істер министрі Аббас Аракчи Иранның АҚШ-пен ядролық келіссөздерге қатысты ұстанымы туралы мәлімдеме жасады. Келіссөзді бастауға Иран президенті Масуд Пезешкиан тапсырма берген.

Оқи отырыңыздар:

• Қазақстан-Қырғызстан шекарасында не болып жатыр?
• Саясаткер жаңа Конституция жасауды ұсынды
• Төбелестен кейін жұмыстан кеткен Сәпиев бірден жаңа қызметке тағайындалды