Саясаткер жаңа Конституция жасауды ұсынды

Саясаткер Айдар Әлібаев Конституцияға енгізілетін өзгерістер халық мүддесінен гөрі шенеуніктерді қорғайтынын айтты, деп хабарлайды Orda.kz.

Саясаткер Айдар Әлібаев  Orda.kz берген сұхбатында Ата заңға өзгеріс енгізу не үшін қажет болғанын түсінбейді. Ол 2022 жылы Конституцияға 30-40% өзгеріс енгізілгенін еске салып, қысқа мерзім ішінде тағы да 80-87 пайыз бапты өзгерту қажет екенін айтты.

«Егер Конституция шынымен осындай көлемде өзгерістерді қажет етсе, неге жаңа Конституция қабылдамасқа?» — деді саясаткер.

Әлібаевтің айтуынша, Снежана Имашева ұсынған Конституцияның 23-бабына өзгеріс енгізу ұсынысы шенеуніктердің мүддесін қорғауға бағытталғанын айтады.

«Қарапайым азаматтарды қорғауды желеу етіп отырса да, шын мәнінде өзінің ұсынысы арқылы ұрлық жасайтын, сыбайлас жемқорлыққа, пара алуға қатысатын шенеуніктердің беделін жауып отыр. Қожамжарова мен оның әйелін еске алыңыз. Олар әйелінің Дубайдағы мүлкі туралы жазған адамдарға қалай шабуыл жасады? Олар бұл адамдарға көп зардап әкелді. Бірақ бұл шындық болған. Мұндай жағдайлар көп. Снежана Имашева демократияға қарсы жұмыс істейді, сөз бостандығына қарсы әрекет етеді, адамдардың, журналистердің және қарапайым азаматтардың ауызын жабуға тырысады. Ол шенеуніктердің мүддесін қорғайды», — деді Әлібаев.

Сұхбат барысында Айдар Әлібаев экономикалық реформалардың халыққа тигізетін салдарын да атап өтті. Ол ҚҚС пен тарифтердің өсуі шағын бизнес пен азаматтардың тұрмысын қиындататынын, ұлттық табысты арттыру үшін шығындарды қысқарту қажет екенін атап көрсетті.

Толығырақ Orda News-тің жаңа шығарылымында көре аласыздар.

 Cоңғы жаңалықтарды оқи отырыңыз:

• Төбелестен кейін жұмыстан кеткен Сәпиев бірден жаңа қызметке тағайындалды
• Қысқы Азия ойындары Алматыда өтеді
• Талдықорғанда ер адам әйелі мен 3 жастағы баласын аяусыз соққыға жықты