Төбелестен кейін жұмыстан кеткен Сәпиев бірден жаңа қызметке тағайындалды

Серік Сәпиев жаңа қызметке тағайындалды. Ол туризм және спорт министрінің штаттан тыс кеңесшісі атанды, деп хабарлайды Orda.kz.

Сәпиев енді жазғы ХХ Азия ойындарына дайындық штабының спорт бағытын үйлестіреді. 

Бұл тағайындау кадрлардың жоспарлы ротациясы деп түсіндірді министірлік. Аталған тағайындау өткен жылы күшіне енген «Дене шынықтыру және спорт туралы» жаңартылған заңда қарастырылған.

Еске салайық, бұған дейін Серік Сәпиев пен оның орынбасары Дәурен Есімханов қызметінен кеткен болатын. Қарағанды облысы әкімдігінің сайтында екі қызметкердің де өз еркімен жұмыстан босатылғаны хабарлан еді.

Айта кетейік, 23 қаңтарда Сәпиев пен Есімханов арасында жанжал туындап, ол төбелеске ұласқан. Кейін бұл оқиға бойынша боксшы Серік Сәпиев кінәлі деп танылған. Екі тарап та әлеуметтік желіде өз ұстанымын жариялады.