Үйдің іргетасы ауада ілініп тұр: Қарасай ауданында жергілікті деңгейдегі төтенше жағдай жарияланды
Фото: gov.kz
Алматы облысының Қарасай ауданында жергілікті деңгейдегі төтенше жағдай жарияланды. Бұған Жаңатұрмыс ауылында болған табиғи сипаттағы оқиға себеп болды, деп хабарлайды Orda.kz.
2026 жылғы 2 шілде күні таңғы сағат 06:50 шамасында «Ақсай карьері» ЖШС аумағында Ақсай өзенінің жағалауын су шайып, соның салдарынан карьердің солтүстік-батыс бөлігінде топырақ сырғыған. Оқиға орын алған бойда тиісті қызметтер жедел түрде жұмылдырылып, апат аймағына жіберілді.
Қауіпсіздік мақсатында жақын маңдағы 9 жеке тұрғын үйдің тұрғындары уақытша қауіпсіз жерге көшірілді. Қазіргі уақытта мамандар аумақты жан-жақты тексеріп, жағдайды тұрақтандыруға бағытталған жұмыстарды жүргізіп жатыр.
Инженерлік және қалпына келтіру жұмыстары кешенді түрде атқарылуда. Жалпы жұмыстарға 19 қызметкер мен 14 арнайы техника тартылған. Сонымен қатар тұрғындарға түсіндіру жұмыстары жүргізіліп, олардың қауіпсіздігін қамтамасыз ету бойынша барлық қажетті шаралар қабылдануда.
Қалыптасқан жағдайды ескере отырып, Қарасай ауданында жергілікті деңгейдегі төтенше жағдай жариялау туралы шешім қабылданды. Бұл қабылданған шаралар қажетті жұмыстарды жедел әрі тиімді үйлестіруге мүмкіндік береді.
Алматы облысының басқа аудандарында жағдай тұрақты. Өңірдегі ахуал облыс әкімдігі мен салалық мемлекеттік органдардың тұрақты бақылауында.
Алматы облысы Қаскелең қаласының тұрғындары жағалауды шайған өзен суынан қауіптеніп, биліктен шұғыл көмек сұрауда. Сарқырама көшесіндегі үйлердің маңында тасыған су топырақты шайып кеткен.
Тұрғындардың сөзінше, құрылыстың бетон іргетасы ауада ілініп, құлауға шақ тұр. Олардың айтуынша, егер су деңгейі тағы көтерілсе, ғимарат өзенге құлап, арнаны бөгеп тастауы немесе өзге де тұрғын үйлердің қирауына әкеп соғуы әбден мүмкін.
Құзырлы органдар тұрғындарды сабыр сақтауға, қауіпсіздік талаптарын қатаң ұстануға және тек ресми ақпарат көздеріне сенуге шақырады.
Билік өкілдері облыстың басқа аудандарында жағдайдың тұрақты екенін жеткізді.
Оқи отырыңыз:
Жаңалықтар
- АҚШ алғаш рет Польша арнайы жасағын Украинадағы дрон соғысының тәжірибесі бойынша жаттықтырып жатыр
- Енді депутаттарға сауал тек баспасөз орталығында қойылуы мүмкін
- Тоқаев премьер-министр Олжас Бектеновті қабылдады
- Батыс Қазақстанда балабақша есепшісі 30 млн теңге жымқырды деген күдікке ілінді
- Тоқаев вице-президент Ерлан Қаринді қабылдады
- Непал мен Қытай шекарасындағы алапат су тасқынынан кейін хабар-ошарсыз кеткендер саны күрт өсті
- Иран президенті ШЫҰ саммитіне қатысу үшін Қырғызстанға ұшып кетті
- Қазақстан С-300 зениттік-зымыран кешенін сынақтан өткізді
- Ләззат Танысбай «Хабар» агенттігінің басқарма төрағасы болып тағайындалды
- Бектенов премьер-министр болып қайта тағайындалғаннан кейін Құрылтайда ант берді
- Ерлан Қарин Қазақстанның вице-президенті болды
- Мектептер полицияның бақылауына алынды: 283 мың камера жұмыс істеп тұр
- Олжас Бектенов ҚР премьер-министрі қызметіне ұсынылды
- Қасым-Жомарт Тоқаев вице-президент қызметіне Ерлан Қариннің кандидатурасын ұсынды
- Кипр маңында 267 адам мінген кеме аударылып, жеті адам қаза тапты
- Непалда жүздеген танылмай қалған мәйіт жаппай жерленіп жатыр
- Аризонадағы Үлкен шатқалда су тасқынынан кейін 20 адам хабар-ошарсыз кетті
- Ақтауда адам мінген катер жартасқа соғылып, екі адам қаза тапты
- АҚШ пен Иран соққы алмасты: Не болды?
- Исландия Еуроодаққа кіруден бас тартты. Ең басты себеп — балық
