Түрген өзенінде су деңгейі көтеріліп, туристер эвакуацияланды
Фото: Алматы облысы әкімдігі
Алматы облысы Еңбекшіқазақ ауданындағы Түрген өзенінде су деңгейі көтерілді. Осыған байланысты Түрген – Ассы автожолын және өзен маңындағы алты киіз үй мен «Түргенсай» демалыс аймағы орналасқан аумақтарды тасқын су басты, деп хабарлайды Orda.kz.
Туристік нысандар мен туристік аймақтарда жүрген демалушылар эвакуацияланды.Тасқын салдарынан қолдан жасалған жаяу жүргіншілер көпірі ішінара бүлінген.
Бұдан бөлек, БАК бойындағы автожолдың 54-шақырымындағы көпірдің су өткізу құрылғысы айналасындағы топырақты су шайып кеткен. Бұл көпір 2024 жылы-ақ апатты деп танылған болатын.
Алматы облысының Еңбекшіқазақ ауданындағы Түрген өзенінің бойында және «Түргенсай» демалыс аймағында демалып жатқан туристерді құтқарушылар көшіргені туралы аудан әкімдігі хабарлады.
«Түрген өзенінің 6–9-шақырым аралығындағы жағалау аумақтарын су басты. Бұл жерде алты киіз үй және «Түргенсай» демалыс аймағы орналасқан. Қолдан жасалған жаяу жүргіншілер көпірі ішінара зақымданды», деп хабарлады Еңбекшіқазақ ауданының әкімдігі.
Сонымен қатар, БАК бойындағы көпір маңында топырақты су шайып кеткен.
Әкімдік мәліметінше жағдай бақылауда. Су тасқыны салдарын жою және тұрғындардың қауіпсіздігін қамтамасыз ету үшін қажетті шаралар қабылданып жатыр.
Оқиға орнында жедел штаб құрылды. Оған Еңбекшіқазақ ауданының әкімі Талғат Байеділов, аумақтық бөлімдердің, полицияның және төтенше жағдайлар қызметінің басшылары жетекшілік етуде.
Жұмыстарды үйлестіру үшін жедел штаб құрылды. Жағдай жергілікті әкімдіктің бақылауында.
Еске салсақ, кеше Алматыда еріген қар суы сел болып ағып, көпірді жұлып, жолды шайып кетті.
Оған дейін Алматы қаласының Наурызбай ауданында Ақсай өзені аңғары бойында тұратын тұрғындарды алдын алу мақсатында эвакуациялау жүргізіліп жатқанын жаздық. Мұндай шешім сел қаупіне байланысты қабылданды, деп хабарлады Төтенше жағдайлар министрлігі.
Оқи отырыңыз:
Жаңалықтар
- Шымкент сыра зауытының бұрынғы иесі Тоқтар Төлешовтің үйі аукционға шығарылды
- Президент бюджет жоспарлау мәселелері бойынша кеңес өткізді
- «Көлігіңмен қоса өртеп жіберемін»: Астаналық такси жүргізушісіне жолаушы қоқан-лоқы көрсеткен
- Астанада бес жасар баланы ойын алаңында ток соғып, жансақтау бөліміне түсті
- Жамбыл облысында 19 жастағы әйел «Барниге» бола күйеуімен жанжалдасып, кейін қайтыс болды
- «Бір күнде 14 айыппұл»: Алматы облысында жүргізушілер жол камераларына шағымданды
- 16 жастағы қыз қаза тапты: Алматы облысында бір топ жасөспірім жол апатына түсті
- Азия чемпионаты: Еліміздің ауыратлеттері 59 медаль алып, бес әлемдік рекорд орнатты
- Бақытжан Базарбек жол апатына қатысты алғаш рет пікір білдірді
- Экс-депутат Базарбек қағып кеткен адамның жағдайы белгілі болды
- Қазақстандағы блэкаут: Қырғызстан KEGOC мәлімдемесіне жауап берді
- Мас жасөспірімдер қыздарды тоғайға алып кетпек болған: Оқиғаның жай-жапсары
- Иран АҚШ-тың әрбір өлтірілген немесе тұтқынға алынған сарбазы үшін 30 мың доллар төлеуге дайын
- «Бұл арандату емес»: Бақытжан Базарбектің туыстары жол апаты туралы пікір білдірді
- Жаңатоған ауылының тұрғындары өртпен өздері күресіп жатыр: Бір адам ауыр жараланды
- «15 млн теңге бер, әйтпесе қылмыстық жауапкершілікке тартамыз»: Түркістанда жалған ҚМА қызметкерлері ұсталды
- Иран АҚШ-тың Ормуз бұғазына кіруіне тыйым салды
- Анкарада Әлихан Күриш қамауға алынды: Тергеу барысында 200 келі алтын тәркіленді
- Бақытжан Базарбек Жамбыл облысында адам қағып кетті ме? Полиция не дейді?
- ЕАЭО орнына: Мирзиёев Орталық Азия мен Оңтүстік Кавказды біріктіруді ұсынды
