Құрылыс кодексі: Әкімдіктер заңсыз құрылысты анықтауға міндетті
Сурет ЖИ көмегімен жасалды
Елімізде 1 шілдеден бастап жаңа Құрылыс кодексі күшіне енеді. Осыған байланысты салынып жатқан және енді ғана жоспарланып жатқан нысандарға тұрақты мониторинг жүргізу қажет. Енді әкімдік қызметкерлері ай сайын жергілікті жерлерге шығып, аумақтарды көзбен тексеріп, анықталған заңсыз құрылыстар бойынша есеп дайындауға міндетті, деп хабарлайды Orda.kz.
Құрылыстарды бақылаумен әкімдіктер айналысады. Ал тек жоспарланып жатқан нысандарды сәулет және қала құрылысы басқармалары қадағалайды. Құрылысы басталып кеткен нысанға сәулет-құрылыс бақылау органдары жауап береді.
Аумақтарды тексеру ай сайын жүргізіледі. Шенеуніктер нысандарға барып, жер телімдерін қарап, заңсыз құрылыстарды есептерінде тіркейді. Бұл мәліметтер жоспарланған және салынып жатқан нысандар бойынша бөлек-бөлек көрсетіледі.
Егер заңбұзушылық жоспарлау кезеңінде анықталса, ақпарат бес жұмыс күні ішінде құрылыс бақылау органдарына жолданады. Одан кейін тиісті шаралар қабылдануы тиіс.
Мониторинг базасына тапсырыс беруші, нысанның мекенжайы, жер учаскесі туралы деректер, техникалық шарттар, эскиздік жоба, мердігер, техникалық қадағалау, құрылыс мерзімі және нысанның қазіргі жағдайы енгізіледі.
Жоспарланып жатқан нысандар туралы деректер мемлекеттік қала құрылысы кадастрында жүргізіледі. Ал салынып жатқан объектілер туралы ақпарат «бір терезе» қағидаты бойынша құрылыс порталында тіркеледі. Мониторинг қорытындылары gov.kz сайтында жарияланып отырады.
Бұл жаңа Құрылыс кодексі күшіне енгенге дейін енгізіліп отырған алғашқы өзгеріс емес. Бұған дейін Қазақстанда аяқталмаған құрылыс нысандарының мемлекеттік тізілімі құрылатыны хабарланған. Оған бюджет есебінен толық немесе ішінара қаржыландырылған, бірақ аяқталмай қалған құрылыс пен қайта жаңғырту жобалары енгізіледі.
Еске салсақ, 11 қаңтарда Қазақстан президенті Қасым-Жомарт Тоқаев жаңа Құрылыс кодексіне қол қойды. Құжатта бірыңғай құрылыс порталын енгізу, құрылыс нысандарына бірегей құрылыс нысаны нөмірін беру, сондай-ақ жобалаудың барлық кезеңінде сейсмикалық микроаудандастыру карталарын пайдалану көзделген.
Оқи отырыңыз:
Жаңалықтар
- Си Цзиньпин КХДР-ға жеті жылдан кейін алғашқы мемлекеттік сапармен келді
- Құрылыс кодексі: Әкімдіктер заңсыз құрылысты анықтауға міндетті
- Сайлау қорытындысы: Армениядағы парламент сайлауында Пашинянның партиясы жеңіске жетті
- Қызылорда облысында қыздың өлімінен кейін тұрғындар арасында «маньяк» туралы қауесет тарады
- Филиппиндегі жойқын жер сілкінісінен қаза тапқандар саны 12 адамға жетті
- Әл-Фарабидегі жол апаты: Пакқа кешірім берген отбасылар саны тағы да толықты
- Петропавлда 77 жастағы зейнеткер 7 миллион теңгесін бизнеске «шақырған» алаяқтарға аудара салған
- Тоқаев Пашинянды «Азаматтық келісім» партиясының парламенттік сайлаудағы жеңісімен құттықтады
- 1,2 миллиард теңге жымқырды деп айыпталған Алмасбек Садырбайдың ісі: Сотта қандай мәселелер көтерілді?
- Арменияда парламенттік сайлау: Пашинян өзінің партиясы жеңгеніне сенімді
- Иран мен Израиль соққы алмасты
- «Хандала» хакерлік тобы Израиль тұрғындарды үйлерін тастап кетуге шақырды
- ҰҚК ШҚО қылмыстық істер жөніндегі сот алқасының төрағасы ұсталғанын растады
- Түрксіб ауданында адам өлтіріп, жасырмақшы болған адам ұсталды
- БҰҰ жасанды интеллекттің дамуы қоршаған ортаға әсер етеді деп алаңдап отыр
- АҚШ-та жарты ғасырдан бері алғаш рет әскерилердің өлім жазасы орындалуы мүмкін
- Боди-массаж: Алматыда жезөкшелер «сауықтыру қызметі» атын жамылып жұмыс істеген
- Сахарада көліксіз қалған 49 адам шөлден қаза тапты
- Алматыда Қаршыға Ахмедияровтың 80 жылдығына арналған еске алу кеші өтті
- Маңғыстау — Семей пойызында өріп жүрген тарақандарға кім жауапты?
