Венесуэла президенті Николас Мадуро АҚШ түрмесінен үндеу жариялады

АҚШ-та қамауда отырған Венесуэланың бұрынғы президенті Николас Мадуро ұзақ уақыттан бері алғаш рет мәлімдеме жасады. Оның үндеуі саясаткердің X әлеуметтік желісіндегі парақшасында жарияланды, деп хабарлайды Orda.kz.      

Мадуро мен оның жұбайы 3 қаңтарға қараған түні небәрі 2 сағат 20 минутқа созылған америкалық «Абсолютті шешімділік» операциясы барысында ұсталып, АҚШ-қа жеткізілген. Ерлі-зайыптыларға «наркотерроризм», есірткі контрабандасы және қару сақтау айыптары тағылды.

Оңтүстік Америкадағы республика билігі бұл оқиғаны әскери агрессия деп атады. Олардың мәліметінше, қаңтар айының басындағы оқиғалар барысында 100 адам қаза тапқан.

Еске салсақ, Мадуро тұтқындалғаннан кейін Венесуэлада вице-президент Делси Родригес ресми түрде ант берді. Ол мемлекет басшысының міндетін уақытша атқарып отыр. Каракаста өткен рәсім барысында Родригес елдің «ешкімнің отарына айналмайтынын» мәлімдеп, ұлттық егемендікті қорғауға уәде берді. Ол зорлық-зомбылыққа және сырттан кез келген әскери араласуға қарсы екенін айтып, Николас Мадуро мен оның жұбайын босатуды талап етті.

БҰҰ АҚШ-тың әскери операциясын сынға алды. БҰҰ Бас хатшысы Антониу Гутерриш болған оқиғаның қауіпті жағдай қалыптастыратынын және халықаралық құқық нормаларын әлсіретуі мүмкін екенін мәлімдеді.

Тақырыпқа қатысты ұсынамыз:

• Елде бір ғана президент бар — Венесуэла Мадуро тұтқындалғаннан кейін АҚШ-қа жауап қатты
• Мадуро Бруклиндегі қатаң режимдегі тергеу изоляторына жеткізілді
• Трамп Венесуэлаға АҚШ-тың «бағыттан адастырғыш» қару қолданғанын мойындады
• БҰҰ Венесуэлаға қатысты шұғыл отырыс өткізеді