Қайын жұртын түгелдей қырып тастаған күдікті өмір бойына бас бостандығынан айырылуы мүмкін

Атырауда қайын жұртының отбасын түгелдей өлтірді деген күдікке ілінген күйеу бала Сұлтан Сәрсемәлиевке өмір бойына бас бостандығынан айыру жазасы тағайындалуы мүмкін екенін адвокаттар мәлімдеді, деп хабарлайды Orda.kz.      

Осы жұрттың жағасын ұстатқан шулы оқиға әлі күнге дейін халықтың үрейін сейілтер емес. Оқиғаның кең резонанс алғаны соншалық жұрттың бәрі қылмыстық істің дәлелденіп, қылмыскердің түрмеге тоғытылатын сәтін асыға күтуде.

Осы орайда журналистер де тыным таппай, жан-жақтан заңға қатысты пікірлерді толассыз беріп жатыр. Адвокаттар мен заңгерлер де заң шеңберінде қандай жаза қолданылуы мүмкін екендігі туралы болжамдарын жасырмай, пікір бөлісуде. 

 Адвокат Қасымжановтың пікірінше, істің қоғамда үлкен резонанс тудырғаны және күдіктінің шетелге қашуға әрекет жасағаны ескеріліп, сот жоғары жаза қолдануы ықтимал.

«Сондай-ақ қалыптасқан сот тәжірибесін ескерсек, күдіктіге өмір бойына бас бостандығынан айыру жазасы тағайындалуы мүмкін», — деді адвокат.

Кісі өлтіруден бөлек, Сұлтан Сәрсемәлиевке ұрлық және алаяқтық айыптары да тағылып отыр. Адвокат Самат Әбуов бұл эпизодтардың соңғы үкімге қалай әсер ететінін түсіндірді. Оның айтуынша, жаза қылмыстар жиынтығы бойынша, яғни жеңілірек жазаны қатаңырақ жазаға өзгерту арқылы тағайындалады.

«Менің ойымша, егер қылмыстың ерекше қатыгездікпен жасалғаны дәлелденсе, сот өмір бойына бас бостандығынан айыру жазасын тағайындауы мүмкін. Нақты санкцияны сот әр істі жеке қарай отырып белгілейді, бірақ қазір іс материалдарын көрмей нақты айту қиын», — деді ол. 

Атырау облысының Жангелдин ауылында бүкіл бір отбасының қазасы мен жоғалуына қатысты тергеу жалғасуда. Ерлі-зайыптылардың мәйіттері табылып, кеше, 8 қаңтар күні жерленді. 

Наурыз айының ортасында Атырау облысындағы қанды қылмысқа күдіктілер шетелден экстрадицияланды. Елге қайтарылғаннан кейін бір отбасын түгелдей қырып салды деген күдікке ілінген Сұлтан Сәрсемалиевке тағы бір қосымша айып тағылды. 

Ішкі істер министрлігінің ресми жауабына сәйкес, күдікті енді Қылмыстық кодекстің тағы екі бабы бойынша тергеліп жатыр.

Тақырыпқа қатысты ұсынамыз:

• Атырауда бір отбасын түгелдей қырып салған күдіктіге тағы екі бап бойынша айып тағылды
• Атырау облысындағы бүтін бір отбасының қасіреті: Күдікті мен әйеліне халықаралық іздеу салынды
• Атырауда Наурыз бен Мейрамгүлдің жаназасы шықты: Қайын жұртын қырып салған күйеу бала