Мадуро Бруклиндегі қатаң режимдегі тергеу изоляторына жеткізілді

Ғимарат алдына саясаткердің жақтастары жиналды: олар Венесуэла туын ұстап, қолдау сөздерін айқайлады, деп хабарлайды Orda.kz CNN-ге сілтеме жасап.

Телеарнаның мәліметінше, келесі аптада Мадуро Манхэттеннің федералдық сотының алдына шығады. Оған есірткі мен қару-жарақ контрабандасы бойынша айып тағылып отыр.

Саясаткер ұсталғаннан кейін оны кісен салып, алдымен рәсімдеу үшін Нью-Йорктегі DEA (есірткімен күрес басқармасы) бөлімшесіне жеткізген, содан соң Бруклиндегі мекемеге апарған. Әңгіме қамауда ұстаудың «қатаң» ережелерімен танымал Нью-Йорктегі тергеу изоляторы туралы болып отыр. Бұған дейін бұл жерде есірткі бароны Хоакин «Эль Чапо» Гусман және Джеффри Эпштейн ісі бойынша сотталған қоғам қайраткері Гислейн Максвелл қамауда болған.

Мадуроның тұтқындалуы АҚШ-тың әскери операциясының бір бөлігі болды. Бұл әрекетті Каракастың одақтастары, соның ішінде Ресей мен Иран, қатаң сынға алды. Ал Венесуэланың шетелдегі оппозициясы, керісінше, болған жайтты қолдады.

Ақ үй мен Fox News жариялаған видеоларда Мадуро федералдық агенттердің қасында келе жатып, оларға ағылшын тілінде тіл қатуға тырысқаны көрінеді. Ол бірнеше рет «қайырлы түн» деп айтады, кейін испан тіліне ауысып, өз-өзінен сұрағандай болып, соңынан «жаңа жылмен» деп қосады.

Қақтығыс жайлы, әлем көшбасшыларының болып жатқан оқиғаларға реакциясы, соынмен қатар Трамптың негізгі мәлімдемелері, сондай-ақ Мадуро тұтқындалғаннан кейін Венесуэланың АҚШ-қа қандай жауап бергені  туралы біз бұған дейін жаздық.