Трампқа оқ атқан «үздік мұғалім» болып шықты

Кеше кешкісін Трамптың қатысуымен өткен Ақ үй тілшілері қауымдастығының кешкі асында оқ атылған болатын. Атқыш дереу ұсталып, қамалған болатын, бүгін  шабуыл жасаған адамның «айдың үздік мұғалімі» екені нықталып отыр, деп хабарлайды  Orda.kz.      

Вашингтонда өткен Ақ үй тілшілері  қауымдастығының кешкі асында 31 жастағы Коул Аллен мылтық пен тапаншадан оқ атты. Шабуыл жасаушы Washington Hilton қонақүйінің залына кіреберісте ұсталды. Құпия қызметтің бір қызметкері жарақат алды, оны оқ өтпейтін жилет құтқарып қалған.

Аты шыққан атқыш туралы жаңа ақпарат белгілі болды.

Аллен Ақ үй әкімшілігінің мүшелерін өлтіруді жоспарлағанын мәлімдеген. Бұған дейін ол Камала Харристің сайлау науқанына қаржы аударған.

Ол қолына  мылтық, тапанша және бірнеше пышақ ұстап келген.  

Бүгін Дональд Трамп бұл оқиғаға пікір білдіріп, шабуылды сыртқы саясаттағы қақтығыстармен байланыстырмайтынын айтқан болатын.

Алленнің соты 27 сәуірге белгіленген, оған суық қарумен офицерге шабуыл жасады және зорлық-зомбылық қылмысын жасады деген  айыптар тағылуы мүмкін.

Оқи отырыңыз: 

• «Мені көздеген болу мүмкін» — Трапм өзі қатысқан іс-шарадағы атыс туралы мәлімдеме жасады
• Трамп қатысқан Ақ үй тілшілері қауымдастығының кешкі асында атыс болды