Трамп қатысқан Ақ үй тілшілері қауымдастығының кешкі асында атыс болды

Трамп Ақ үй тілшілері қауымдастығының кешкі асында болған атысқа байланысты эвакуацияланды. Қауіпсіздік қызметі Ақ үй тілшілері қауымдастығының кешкі асы кезінде Дональд Трамп, оның жұбайы Мелания Трамп және басқа да қонақтарды Washington Hilton қонақүйінің холлында атыс дауысы естілгеннен кейін сыртқа шығарды, деп хабарлайды Orda.kz.

Көптеген қонақтар іс-шара өткен банкет залында үстелдердің астына тығылған. Одан кейін адамдар эвакуацияланды.

Зардап шеккендер жоқ, ал қарулы адам ұсталды. Reuters мәліметінше, мылтық ұстаған ер адам күзетті бұзып өтпек болып, қауіпсіздік қызметкеріне оқ атқан. Алайда ол бронежилет кигендіктен, жарақат алмаған. Қазір тергеу жүргізілуде.

Трамп Truth Social әлеуметтік желісінде өзі, жұбайы және вице-президент Вэнс аман екенін жазып, іс-шараның кейінге қалдырылатынын хабарлады. Сондай-ақ ол атыс сәтінен видео мен ұсталған адамның фотосын жариялаған.

Баспасөз еркіндігіне арналған бұл кешкі ас жыл сайын өткізіледі, оған АҚШ-тың барлық президенттері қатысып келген. Ал Трамп журналистермен жиі қайшылыққа түсіп, көптеген БАҚ-ты сынға алғандықтан, 2026 жылға дейін бұл шараға бойкот жариялап келген. Бұл – оның АҚШ президенті ретінде сөз сөйлеуі жоспарланған алғашқы кешкі ас еді.

Оқи отырыңыз:

• Трамп ирандықтармен кездесу барысында тағы құбылып, делегация жібермейтін болды
• Трамп Иранды «тас дәуіріне қайтаратынын» мәлімдеді
• АҚШ профессоры: Трамп тығырыққа тірелді, Иран әлемді аузына қаратып отыр