Ұлттық банк жаңа 500 теңгелік банкнотты көрсетті

Қазақстан Ұлттық банкі «Сақ стилі» сериясымен шыққан жаңа 500 теңгелік банкноттың қорғаныш элементтерін таныстырды, деп хабарлайды Orda.kz.

Ұлттық банктің мәліметінше, жаңа 500 теңгелік банкнота 2025 жылғы 25 желтоқсаннан бастап айналымға енгізілген. Бұл – «Сақ стилі» сериясымен жарық көрген бесінші банкнота. Оның дизайны дәстүрлі қазақ ою-өрнегінің бастауы саналатын сақ мәдениетінің көркемдік элементтеріне негізделген.

ҚР ҰБ өкілдері жаңа банкнотты жалған ақшадан ажыратуға көмектесетін бірнеше қорғаныш элементі барын атап өтті. Атап айтқанда, ақша белгісінде арнайы баспа технологиясы — алтын интаглио қолданылған. Қазақстан Республикасының елтаңбасы алтын түстес металл бояудың жоғары бедерлі қабатымен басылған. Сондай-ақ банкноттың алдыңғы бетінде саусақпен сезілетін рельефті элементтер бар. Бұл белгі көру қабілеті нашар азаматтарға арналған.

Бұдан бөлек, банкнотта үзік-үзік түрде орналасқан монохромды қорғаныс жібі енгізілген. Жарыққа тосқанда ол біртұтас жіпке айналады. Ал банкнотаны еңкейтіп, көлбеу бұрышын өзгерткенде көгілдір түстің лүпілдеп тұратын динамикалық әсері байқалады. 

Сонымен қатар ақшада су белгісі — электротип қорғаныш элементі қарастырылған. Банкнотты жарыққа тосқан кезде номиналдың бейнесі анық көрінеді. Ұлттық банк қазақстандықтарға банкноттың түпнұсқалығын қарапайым тәсілдер арқылы тексеруге болатынын еске салды.

Оқи отырыңыз:

Әл-Фарабидегі апат: Күдікті заңға сай жаза алуға дайын екенін айтты

Жұмбақ өлім: «Баламды қасақана өлтірді» — Ерзаттың анасы

Мұхтар Ербаянның жағдайы күрт нашарлап жансақтау бөліміне түсті