Украинада Нұрлан Сабуровқа қатысты тергеу басталды

Украиналық заңгер Андрей Пронин өз Telegram-арнасында стендап-комик Нұрлан Сабуровқа қатысты сотқа дейінгі тергеу басталғанын жазды, деп хабарлайды Orda.kz.

Заңгердің айтуынша, Украина Қауіпсіздік қызметі оның өтінішінен кейін мәліметтерді сотқа дейінгі тергеп-тексерудің бірыңғай тізіліміне енгізген. Қылмыстық іс Украина Қылмыстық кодексінің 111-2-бабының 1-бөлігі бойынша қозғалған. Бұл бап «агрессор мемлекетке жәрдемдесу» деп аталады.

Айтылған деректерге сәйкес, сөз Ресейдің қарулы құрама өкілдеріне материалдық ресурстарды беруі мүмкін деген күдік туралы болып отыр. Бұл жайт ресми тергеу аясында тексерілуі тиіс.

Сондай-ақ заңгер алдағы рәсімдер барысында күдіктіні іздеуге жариялау, оның ішінде халықаралық іздеу, сондай-ақ экстрадициялау жөнінде сұрау салу мәселесі қарастырылуы мүмкін екенін мәлімдеді.

Бұған дейін әлеуметтік желілерде комиктің бұл әрекеті қызу талқыланған еді. 2025 жылдың жазында әртіс «Вагнер Истра легионының» жауынгерлеріне он питбайк жібергені айтылған. Кейінірек «майданға сыйлық» туралы жарияланым өшірілген.

Бұл оқиға  Нұрлан Сабуровқа Ресейге 50 жыл мерзімге кіруге тыйым салынғаны белгілі болғаннан кейін кең резонанс тудырды. Ол бұл шешім туралы Дубайдан Мәскеуге ұшып келген кезде білген.

Тақырыпқа сай ұсынамыз:

• Нұрлан Сабуров сотталуы мүмкін бе?: Заңгер пікірі
• Ресейдегі Мемлекеттік Думада депутат Нұрлан Сабуровтың сөзін сөйледі
• Сабуровтың «майданға сыйлығы» туралы жазба әлеуметтік желідегі жанжалдан кейін өшірілді